Arestado ang actor na si Ricardo Cepeda dahil sa kasong syndicated estafa.
 |
| Actor na si Ricardo Cepeda arestado sa kasong syndicated estafa [Photo Courtesy: Philstar/ Ricardo Cepeda Facebook] |
Hinuli ang actor na Ricardo Cepeda ng mga operatiba ng Quezon City Police District (QCPD) hinggil sa kasong kinasasangkutan na syndicated estafa sa isang restobar sa Mabini street sa Maypajo, Caloocan dakong alas-11 ng umaga, October 7.
(ads)
Batay sa report ng Philstar, si Richard Cepeda Go, 58 anyos , na residente ng Pasig City, ay may kasong syndicated estafa o Article 315 ng Revised Penal Code kaugnay ng Presidential Decree No. 1689, sa ilalim ng Criminal Case No. 4550-S(23).
Dinakip si Cepeda sa bisa ng warrant of arrest na inisyu ng Sanchez Mira ng Cagayan Regional Trial Court Executive Judge Gemma Bucayun-Madrid.
(ads)
Sa ngayon ay wala pang ibang detalye kaugnay sa kaso ng actor. Batay naman sa report ng Abante Tonite, ay walang inirekomendang piyansa ang korte laban sa aktor.